Наша малая Радзіма, мікрарэгіён «Форты», багатая на выдатных людзей, якія ўнеслі вялікі ўклад у дынамічнае сацыяльна-эканамічнае развіццё сучаснага абласнога цэнтра, прымнажаючы культурныя і спартыўныя традыцыі горада Гродна.

Члены савета музея баявой і працоўнай славы каледжа глыбока вывучылі свой мікрарэгіён. Запісалі 188 успамінаў жыхароў рэгіёна, ветэранаў вайны і працы.

На тэрыторыі мікрарэгіёну "Форты" выраслі і сталі алімпійскімі чэмпіёнамі:

1. Вольга Корбут (вул. Каліноўскага);

2. Алена Валчэцкая , ганаровы грамадзянін горада Гродна (Бульвар Ленінскага камсамола);

3. Ірына Шылава (Бульвар Ленінскага камсамола);

4. Заслужаны трэнер, ганаровы грамадзянін горада Гродна, Лявонцій Фурс (вул. Урублеўскага).

Заслужанымі дзеячамі культуры з'яўляюцца:

1. Галіна Качалава (вул. Урублеўскага);

2. Ніна Залеўская (Бульвар Ленінскага камсамола);

3. Уладзімір Сяргейчык (вул. Урублеўскага).

Заслужаныя настаўнікі Рэспублікі Беларусь:

1. Міхаіл Жукоўскі (Бульвар Ленінскага камсамола);

2. Фелікс Вронка (Праспект Будаўнікоў);

3. Валянціна Рытчык (Праспект Будаўнікоў);

4. Ніна Жыткова (вул. Урублеўскага);

5. Святлана Песняк (Бульвар Ленінскага камсамола);

6. Людміла Кур'ян (вул. Сухамбаева);

7. Ігар Лашук (Бульвар Ленінскага камсамола).

Заслужаныя работнікі аховы здароўя:

1. Сяргей Котаў (вул. Горкага);

2. Роберт Чэснойць (вул. Курчатава);

3. Фёдар Багдановіч (вул. Горкага).​

Пісьменнікі:

1. Данута Бічэль-Загнетава (вул. Каліноўскага);

2. Лідзія Пронічава (Праспект Будаўнікоў);

3. Людміла Ціхун (Праспект Будаўнікоў);

4. Яніна Бокій (Праспект Будаўнікоў).

Кампазітары:

1. Яўген Петрашэвіч (вул. Урублеўскага);

2. Валерый Дзідзюля (вул. Дамброўскага).

Барды:

1. Алена Печаніна-Домніч (Бульвар Ленінскага камсамола);

2. Яўген Фалееў (вул. Дамброўскага);

3. Нэлі Пятрухіна (вул. Дамброўскага).

   На тэрыторыі мікрараёна размешчаны Гродзенскі філіял дзяржаўнай установы - навукова-вытворчы цэнтр (інстытут Фармакалогіі і біяхіміі НАН Беларусі), заснаваны акадэмікам, доктарам медыцынскіх навук Ю.М. Астроўскім. Юрый Міхайлавіч Астроўскі быў буйным спецыялістам у галіне вітаміналогіі і рэгуляцыі абмену рэчываў, наркалогіі, анкалогіі. Пры інстытуце створаны музей памяці Астроўскага. Сціплы кабінет, у якім знаходзяцца прыжыццёвыя працы акадэміка, узнагароды, сямейныя фатаграфіі. Кажучы словамі яго вучня і паслядоўніка, кандыдата навук Тарасава Ю.А., Юры Міхайлавіч быў тытан навукі, асоба, якая нараджаецца раз у стагоддзе. Любімая прымаўка Астроўскага: "Не трэба лаяцца і крычаць, трэба цалаваць душой". Яго якасцямі былі: сціпласць, дабрыня і інтэлігентнасць.

Музей Гродзенскага медыцынскага ўніверсітэта існуе з красавіка 1982 года. Партрэтная галерэя (62 партрэты прафесараў) адкрыта 01.10.2007 года. Першы запіс у кнізе водгукаў зроблены ў 1980 годзе Міністрам аховы здароўя Б. Пятроўскім: «Вучыць, лячыць, шукаць і ўкараняць у практыку дасягнення навукі».

У сярэдняй школе №16 па вуліцы Сухамбаева працуе мінералагічны музей. Калекцыя экспанатаў музея - 800 адзінак. Стваральнік, натхняльнік, сэрца музея - Жданюк Уладзімір Анатольевіч, ён жа кіраўнік майстэрні-студыі па апрацоўцы каменя, арганізатар экспазіцый і паходаў па зборы каштоўных камянёў.

У гімназіі № 2 па вуліцы Болдзіна створаны пакой баявой славы, дзе размешчаны 2 экспазіцыі. Адна з іх прысвечана генерал-палкоўніку Болдзіну Івану Васільевічу і называецца «Легендарны камандарм». Галоўнакамандуючы 50 арміяй, удзельнік абароны і вызвалення Гродзеншчыны ад нямецка-фашысцкіх захопнікаў у гады Вялікай Айчыннай вайны. Ганаровы грамадзянін горада Гродна. Яго імем названа вуліца ў нашым мікрараёне, на будынку гімназіі №2 устаноўлена мемарыяльная дошка. Другая экспазіцыя прысвечана ветэранам вайны і працы мікрараёна.

На адным з дамоў па вуліцы І.М.Скрынніка ўстаноўлена мемарыяльная дошка, на якой напісана: "І.М.Скрыннік, 1920-1944 год, - адзін з кіраўнікоў антыфашысцкага камсамольскага падполля на Гродзеншчыне, член Беластоцкага падпольнага абкама ЛКСМБ". Іван Несцярэвіч пахаваны ў брацкай магіле савецкіх воінаў і партызан у гарадскім парку Жылібера.

Па праспекце Будаўнікоў на доме № 27 устаноўлена мемарыяльная дошка М.А.Ткачову. Міхаіл Аляксандравіч - беларускі гісторык і археолаг, доктар гістарычных навук, прафесар, узнагароджаны медалём Ф.Скарыны. Ткачоў - адзін з аўтараў шматтомнай “Гісторыі беларускага мастацтва”. Суаўтар «Нарысаў археалогіі Беларусі». Яму належыць больш за 400 навуковых публікацый.

Навучэнцы каледжа ганарацца тым, што навучаюцца ў адной з лепшых навучальных устаноў краіны, якая знаходзіцца на вуліцы Агадзіла Сухамбаева. На будынку каледжа размешчана мемарыяльная дошка, прысвечаная А.Сухамбаеву; у каледжным музеі знаходзіцца экспазіцыя, якая расказвае пра яго подзвіг.

Члены савета музея каледжа працягваюць пошукавую, краязнаўчую работу ў сваім мікрарэгіёне.